Cytundebau Partneriaeth

Mae’r rhan fwyaf o fusnesau ffermio yn dueddol o ddefnyddio cytundebau anffurfiol ar lafar, ond mae hon yn strategaeth beryglus. Er enghraifft, os nad oes gennych gytundeb partneriaeth ysgrifenedig, mae’n bosibl i unrhyw bartner ddod â’r bartneriaeth i ben ar unrhyw bryd. Gall hyn achosi anawsterau ymarferol enfawr o ran rhewi cyfrifon banc a rheoli da byw.

Dylai pob busnes ffermio ystyried:

1. Sut i leihau atebolrwydd treth;
2. Sut i reoli dyledion busnes;
3. Rhwyddineb gweithredu’r busnes;
4. Hyblygrwydd pe byddai amcanion neu aelodau’r busnes yn newid;
5. Pwy sy’n gyfrifol am reoli;
6. Lleihau costau;
7. Cynllunio ar gyfer y dyfodol; a
8. Budd gorau pob parti sydd ynghlwm â’r busnes.

Un o’r ystyriaethau pwysicaf ddylai fod pwy sydd berchen ar yr asedau a’u gwerth cymharol, a beth sy’n digwydd pan fo’r bartneriaeth yn dod i ben. Mae’n rhwydd anghofio ystyried sut y byddech yn dod â chytundeb i ben pan eich bod yn teimlo’n gadarnhaol am y sefyllfa ar hyn o bryd. Gall cyfreithwyr Practis Gwledig JCP gynghori ar y strwythur mwyaf addas i’ch busnes, a rhoi cymorth i baratoi’r dogfennau cyfreithiol angenrheidiol.