Trefnu Ystadau

A wyddech chi nad yw oddeutu 60% o ffermwyr byth yn gwneud Ewyllys?

Ym Mhractis Gwledig JCP, mae gennym ni dîm sy’n ymroddedig i helpu ein cleientiaid amaethyddol â’u hanghenion cyfreithiol busnes a phersonol. Mae hyn yn cynnwys cynorthwyo â chynllunio ar gyfer olyniaeth a pharatoi ewyllysiau. Credwn fod ein profiad o’r economi wledig heb ei ail yng Nghymru.

Pam mae hi’n bwysig bod ffermwyr yn gwneud Ewyllys?

Heb ewyllys, ceir rheolau cyfreithiol (rheolau diewyllysedd) sy’n penderfynu pwy fydd yn etifeddu eich ystâd. Yn y pen draw, dyma fydd yn rheoli pwy sy’n cael eich asedau ffermio. Mae’n gamdybiaeth gyffredin i feddwl mai eich priod fydd yn etifeddu eich cyfoeth i gyd. Bydd yn derbyn cyfran ohono ond mae’n bosibl y bydd y gyfran honno yn annigonol i’w alluogi/galluogi i fyw yn gyfforddus. Ni fydd y rheolau hyn yn ystyried ychwaith bod gan sawl teulu amaethyddol blant nad ydynt yn ffermio, yn ogystal â phlant sydd yn ffermio, felly mae’n bosibl nad rhannu’r fferm yn gyfartal rhwng bob un o’ch plant yw’r dewis gorau.