Rhian Jervis

Mae Rhian yn mwynhau cysylltiad cyson gyda chleientiaid ac yn falch o’r perthynas cryf sydd ganddi hi a’r tîm gydag asiantau eiddo lleol a datblygwyr tai newydd. Pan yr ydych yn delio’n uniongyrchol gyda’r cyhoedd ar amser pan maent yn prynu neu werthu eiddo, rydych yn rhyngweithio gyda nhw ar adeg o’u bywyd a all fod yn heriol ac emosiynol. Mae Rhian yn eiriolwr dros fod yn hawdd mynd ati, yn ddibynadwy, ac yn helpu pethau i fynd yn eu blaen mor rhwydd ag sy’n bosib.

Gwnaeth Rhian radd yn y gyfraith ym Mhrifysgol Abertawe gan raddio yn 2003.

Ar ôl cymryd blwyddyn i ffwrdd o’i gyrfa, ymunodd Rhian â JCP yn 2004 fel paragyfreithiwr. Wedi penderfynu yr hoffai barhau gyda’i gyrfa yn y gyfraith fe wnaeth JCP ariannu ei chwrs i fod yn Weithredydd Cyfreithiol. Gan ddefnyddio ei sgiliau trefniadol gallodd astudio yn y cartref wrth weithio llawn amser a chodi ei dwy ferch.

Fe gymhwysodd Rhian fel Gweithredydd Cyfreithiol yn 2012 ac mae wedi gweithio yn y maes trawsgludo preswyl ers 2006. Mae JCP wedi ymrwymo i annog a chefnogi staff, ac yn dystiolaeth o hyn daeth Rhian yn Rheolwr Tîm yn 2016 ac yna’n Gyfarwyddwr ym mis Ebrill 2018.

Mae Rhian yn achrededig gan Lywodraeth Cymru fel Trawsgludwr i ‘Cymorth i Brynu-Cymru’, Cynllun Cymorth i Brynu Llywodraeth Cymru.

Mae Rhian hefyd ar Bwyllgor ‘Type 1derful’, elusen leol sy’n cynnig cefnogaeth i blant sydd â Diabetes Math 1 yn ardaloedd Castell Nedd Port Talbot a Phen y Bont. Mae defnyddio cyfryngau cymdeithasol fel tudalen gefnogol i rieni yn galluogi’r elusen i drefnu gweithgareddau , diwrnodau allan a phenwythnosau i ffwrdd i’r plant a’r teuluoedd. Darpara hyn ffordd wych i blant i ddod at ei gilydd i gyfarfod eraill sy’n dygymod â’r un cyflwr, a hefyd i deuluoedd i ddod i adnabod a chefnogi ei gilydd.

Mae Rhian yn mwynhau gwersylla gyda’i theulu, treulio amser gyda ffrindiau, cerdded ei chi, ac mae Rhian yn rhugl yn y Gymraeg.