Cyfrifoldebau Cynnal Plant

Yn JCP byddwn bob amser yn eich cynghori i fynd at gyfryngiad teuluol er mwyn ceisio dod at gytundeb ariannol cyfeillgar gyda chyn bartner, mewn unrhyw fater sy’n ymwneud â phlant.  Cynghorwn yn gryf hefyd i chi gael cyngor wrth gyfreithiwr teuluol arbenigol cyn i chi gymryd unrhyw gamau.

Gall rhiant plentyn ymofyn am ddarpariaeth ariannol trwy’r Gwasanaeth Cynnal Plant. Canlyniad hwn fel arfer yw taliadau wythnosol neu fisol wedi eu cyfrifo yn ôl fformiwla sydd wedi ei seilio ar incwm y parti arall. Gallwch wneud cais trwy'r Gwasanaeth Opsiynau Cynnal Plant (www.cmoptions.org) am daliadau o dan y Gwasanaeth Cynnal Plant statudol. Byddwch yn ymwybodol bod yna ffioedd a thâl am ddefnyddio’r Gwasanaeth Cynnal Plant.

Fel arfer rôl y Gwasanaeth Cynnal Plant yw penderfynu pa faint y dylai rhiant sy’n talu ei roi i brif ofalydd y plentyn, ac wedyn cymryd camau gorfodi os na wneir taliadau. Fodd bynnag, cadwa’r llysoedd yr awdurdodaeth i wneud neu newid Gorchymyn am Gynhaliaeth i blant mewn rhai sefyllfaoedd hefyd, gan gynnwys Gorchmynion am swm uwch os ydy’r rhiant sy’n talu ag incwm sy’n uwch na £156,000 y flwyddyn, neu os ydy’r llys yn ystyried y dylai’r rhiant absennol gyfrannu at ffioedd ysgol.

Dewis arall yw gwneud cais am ddarpariaeth ariannol o dan Atodiad 1 o’r Ddeddf Plant 1989. O dan y ddeddf yma gall y llys wneud Gorchmynion Ariannol er budd unrhyw blant, a gall hwn gynnwys taliadau o gostau a gafwyd mewn cysylltiad â genedigaeth plentyn.