Hawliadau Iawndal Damweiniau ar y Ffyrdd

Gall effaith damwain ar y ffordd fod mor fach ag ychydig o lympiau a chleisiau, ond gall damweiniau o'r fath hefyd arwain at anafiadau difrifol sy’n newid bywyd fel Anafiadau i'r Asgwrn Cefn, Anafiadau i'r Pen a'r Ymennydd ac yn anffodus mewn rhai achosion gall arwain at Ddamweiniau Angheuol.

Mae gan gwmni Cyfreithwyr JCP dîm Anaf Personol penodedig a phrofiadol a all eich helpu gydag ystod eang o faterion sy'n arwain at anafiadau, megis damweiniau car, damweiniau beicio, damweiniau beiciau modur yn ogystal â'r rhai sy'n ymwneud â cherddwyr.

Os yw damwain ar y ffordd wedi effeithio arnoch chi, gallai hawlio iawndal eich helpu i ariannu'r driniaeth breifat neu'r broses adsefydlu sydd ei hangen arnoch i gynorthwyo eich adferiad, gallai hefyd eich helpu'n ariannol os byddwch wedi colli enillion oherwydd eich bod i ffwrdd o'r gwaith, er mwyn i chi gael tawelwch meddwl ariannol wrth wella ar ôl eich damwain.

Mae pryderon cyffredin sydd gan gleientiaid cyn penderfynu a ddylid bwrw ymlaen â hawliad Anaf Personol yn cynnwys y mater o gost a lefel y gefnogaeth y byddant yn ei dderbyn gan eu cyfreithiwr. Rydym ni yma yn JCP yn arbenigo mewn ymdrin â hawliadau ar y sail na fydd cost i chi os na fyddwn ni’n ennill yr achos, felly does dim rhaid i chi boeni am fil enfawr wrth fwrw ymlaen â hawliad o'r fath. Ers newid yn y gyfraith yn 2013 mae cyfreithwyr yn gallu codi ffi llwyddiant o hyd at 25% o unrhyw iawndal a dderbynnir ond mae hyn yn gyfyngedig i'r hyn a ddyfernir am eich anafiadau a cholledion yn y gorffennol - mae'r ffi llwyddiant yn cael ei hasesu fesul achos.

Mae ein tîm Anafiadau Personol penodedig hefyd yn gyfeillgar ac yn hawdd mynd atynt ond hefyd mae ganddynt flynyddoedd o brofiad o fewn y sector hwn a byddant yn sicrhau eich bod yn cael y cyngor a'r gefnogaeth orau wrth fwrw ymlaen â hawliad a sicrhau'r canlyniad gorau posibl ar eich rhan. Gallwn hefyd eich helpu i drefnu'r adsefydlu preifat sydd ei angen arnoch cyn i'ch hawliad gael ei gwblhau, felly gallwch ddechrau eich adferiad heb oedi.

Cysylltwch â'n cyfreithwyr hawliadau Anaf Personol yn ne Cymru nawr trwy gysylltu â'ch swyddfa JCP leol, defnyddiwch y ffurflen gyswllt i ofyn i rywun eich ffonio neu siaradwch â'n tîm sgwrsio byw 24/7.