Gwerthu Busnes

Mae rhai achlysuron mewn bywyd sy’n golygu bod teimlo eich bod mewn dwylo diogel yn bwysig. Mae gwerthu busnes yn gymhleth. Os na wneir pethau yn iawn o ran cynllunio ar gyfer trethi, trafodaethau masnachol neu ddrafftio dogfennau, gall hynny gostio arian i chi.

 

Rydym ni wedi gweithredu yng ngwerthiant llawer o fusnesau - rhai ohonynt yn adnabyddus a rhai llawer yn llai - ond yr un mor bwysig i’r perchennog, ac weithiau, yn rhyfedd iawn, yr un mor gymhleth. Er bod pob gwerthiant yn cynnwys materion unigryw, mae rhai elfennau yn gyson:

 

• Cynllunio cyn gwerthu - mae lleihau cymaint â phosibl ar drethi yn faes arbenigol sydd angen arbenigrwydd cyfredol;

• Trafodaethau – efallai y bydd yn rhaid dweud pethau anodd i warchod eich buddiannau. Mae angen cynghorwr arnoch sy’n gallu bod yn gadarn ond sy’n cadw’r gwerthiant ar y trywydd iawn.

• Dogfennaeth -  mae adnabyddiaeth drylwyr o delerau’r dogfennau cymhleth sy’n ymwneud â gwerthiant yn hanfodol.

 

Mae gennym ni’r profiad angenrheidiol i’ch cynghori ar yr holl agweddau hyn ar werthu eich busnes.