Trwyddedau Pori

Roedd y rhan fwyaf o drwyddedau pori a thorri gwair, cytundebau porfelaeth ac elw à prendre, yn cael eu cytuno drwy ysgwyd llaw yn y gorffennol.

Yn y byd sydd ohoni heddiw, yn anffodus, gall hyn olygu bod y tirfeddiannwr neu’r trwyddedai yn agored i sawl risg, gan fod taliadau cymhorthdal yn destun rheolau trawsgydymffurfio a rheolau sy’n atal gwahanol bersonau rhag hawlio taliadau gwahanol ar gyfer yr un darn o dir.

Mae’n hanfodol fod deialog clir ac agored rhwng y tirfeddiannwr a’r trwyddedai, ac nad oes unrhyw gamddealltwriaeth o ran sefyllfa gyfreithiol pob person sy’n ymwneud â’r tir. Rydym felly’n cynghori y dylai pawb sy’n darparu neu’n cytuno i drwydded tymor byr i ddefnyddio tir, sicrhau bod y cytundeb yn ysgrifenedig. Gall dogfen ysgrifenedig fer a syml weithiau atal anghydfod hir a chostus.