Ysgariad Gwledig

Mae ymdrin ag ysgariad yn y cyd-destun ffermio yn wahanol i ymdrin â phriodasau eraill yn chwalu. Ceir ystod eang o faterion sy’n unigryw i ysgariad mewn teulu amaethyddol. Yn aml mae’r asedau wedi eu hetifeddu o’r cenedlaethau blaenorol gan y naill briod neu’r llall, a cheir goblygiadau trethi, ac effaith ar y busnes a allai fod ar wahân i’r gwahanu.

Ym Mhractis Gwledig JCP, mae ein cyfreithwyr teulu arbenigol yn deall goblygiadau ysgariad ar ffermio, ac maent yn y sefyllfa orau i ymdrin â’r sefyllfaoedd anodd hyn. Rydym hefyd yn cynorthwyo i baratoi cytundebau cynbriodasol, sy’n gallu bod yn ddefnyddiol pan fo priodas yn chwalu, o ran dylanwadu ar Lys ynghylch sut y dylid rhannu’r asedau. Mae cytundebau cynbriodasol yn arbennig o ddefnyddiol yn y cyd-destun ffermio pan fo sawl person yn derbyn incwm o’r fferm deuluol, a phan fo canlyniadau priodas yn chwalu yn ymestyn y tu hwnt i’r berthynas â’r teulu agos.