Strwythur Partneriaeth/Busnes

Un o’r ystyriaethau pwysicaf ddylai fod pwy sydd berchen ar yr asedau a’u gwerth cymharol, a beth sy’n digwydd pan fo’r bartneriaeth yn dod i ben. Mae’n hawdd anghofio ystyried sut mae dod â chytundeb i ben pan eich bod yn bositif am y sefyllfa ar hyn o bryd. Gall Practis Gwledig JCP gynghori ar y strwythur mwyaf addas i’ch busnes, a rhoi cymorth i baratoi’r dogfennau cyfreithiol angenrheidiol.

Y tuedd yw i fwyafrif o fusnesau ffermio gael cytundebau anffurfiol ar lafar, ond mae hyn yn strategaeth beryglus. Er enghraifft, os nad oes gennych gytundeb partneriaeth ysgrifenedig, mae’n bosib i unrhyw Bartner i ddod â’r Bartneriaeth i ben ar unrhyw adeg. Gall hyn peri anawsterau ymarferol enfawr o ran rhewi cyfrifon banc a rheoli anifeiliaid byw.

Dylai pob busnes ffermio ystyried:

1. sut mae lleihau atebolrwydd treth;
2. sut mae rheoli dyledion busnes;
3. rhwyddineb gweithredu’r busnes;
4. hyblygrwydd os newidir amcanion neu aelodau’r busnes;
5. pwy sy’n cymryd y cyfrifoldebau rheoli;
6. lleihau costau;
7. cynllunio ar gyfer y dyfodol; a
8. budd gorau pob parti sydd ynghlwm â’r busnes.