Cytundebau Rhannu Ffermio

Mae Cytundebau Rhannu Ffermio yn gweithredu pan fo dau barti yn ffermio’r un tir ar y cyd. Fel arfer byddant yn cynnwys perchennog neu denant tir fferm yn cytuno ar gontract â ffermwr sy’n gweithio.

Mater i’r partïon yw manylion y contract rhannu ffermio ond yn aml mae’n cynnwys y tirfeddiannwr yn darparu tir ac adeiladau fferm, offer gosodedig a pheiriannau, y gwaith cynnal a chadw mawr ar yr adeiladau, a’i arbenigedd, tra bod y ffermwr sy’n gweithio yn darparu llafur, peiriannau maes a pheiriannau symudol, a’i arbenigedd. Rhennir costau eraill fel prynu hadau, gwrtaith a bwyd anifeiliaid.

Os oes unrhyw fenter da byw yn bodoli caiff perchnogaeth yr anifeiliaid ei rannu ar y sail bod pob parti yn berchen ar ran o bob anifail, bod pob parti yn cael ei wobrwyo â rhan o gynnyrch y fferm y mae ef neu hi yn rhydd i’w werthu fel y mae’n dymuno, ac mae pob parti yn llunio ei gyfrifon ei hun ac yn gyfrifol am ei drethi a’i ffurflenni TAW ei hun.